Rannsóknarstyrkir Göngum saman

Styrktarsjóður Göngum saman styrkir grunnrannsóknir á krabbameini í brjóstum. Starfsemi félagsins miðar að því að safna fé og efla styrktarsjóð félagsins til að taka þátt í því mikilvæga starfi að rannsaka eðli og uppruna brjóstakrabbameins.

Umsóknafrestur í styrktarsjóðinn er 1. september n.k. Síðast var styrkjum úthlutað 4. október 2012. Alls var veitt 10 milljónum í styrki á árinu 2012 í tilefni af 5 ára afmæli Göngum saman. Fyrsta styrkveiting Göngum saman fór fram 22. október 2007 er rannsóknahópur Jórunnar Erlu Eyfjörð prófessors fékk 3 milljónir í styrk. Frá stofnun félagsins hefur Göngum saman úthlutað rúmlega 32 milljónum í rannsóknastyrki til íslenskra vísindamanna.

Styrkir eru alltaf veittur í október, en alþjóðlega er októbermánuður helgaður baráttunni gegn brjóstakrabbameini.